Jornada de solidaridad con lxs presxs politicxs colombianxs

Etiketak

, , , , , , , , ,

Bariku honetan Miguel Ángel Beltrán kolonbiarrak azalduko dosku Kolonbiako egoera politikoa eta soziala. 19.30etan Plaza Beltzan.
 

Anarkismoaren bilakaera 70. hamarkadan

Ostegun honetan, maiatzak 4, gure lehen hitzaldia aurkeztuko dugu Plaza Beltzako Kulturgune berrian. Mikel Orrantia izango dugu gonbidatu moduan, 70. hamarkadan mugimendu anarkistak Euskal Herrian izandako bilakaera azaltzeko asmorekin. Bestalde, gure begirada haratago erameteko intentzioarekin, aurkezpena ez da Euskal Herriko historiaren garai gatazkatsu horretan bakarrik zentratuko, non aldarrikapen sozialek indar berezia izan zuten, gure ideia gaur egungo egoera aztertzea izango da. Horretarako, bi garaien arteko konparaketa bat propasatuko digu hizalariak, gaur egungo zirkustantzien aurrean mugimendu libertariak duen jarreren inguruan lanketa bat eskeiniz.

Mikel Orrantia, 1970. hamarkadaren hasieran, CNT-ko beste kide batzuekin batera, Askatasuna aldizkaria sortu zuen Bruselasen, bertara herbesteratu behar izan zenean frankismoaren atzaparretatik ihes egiteko. Aldizkaria ideologia anarkistan oinarritua zegoen eta bere garain oihartzun handia lortu zuen, borroka libertario globala eta independentismoa bat eginez. Aldizkaria izen bereko kolektiboaren difusio organoa zen, eta hauek CNT-tik kanporatuak izan zirenean, beste erakunde batzuekin batera eta mugimendu autonomoarekin elkarlanean, “Konbergentzia asanblearioa” proiektua sustatzen saiatu ziren. Hala ere, egistasmo hauek zapuztuak izan zirenean, barne gatazkak eta errepresioa zela medio, aldizkaria bere hasierako nortasuna galtzen hasi zen. Azkenean, 1980 urtean, bere amaiera aditzera emanez. Mikel Orrantia “Por una alternativa libertaria y global” liburuaren autorea da.

ONGI ETORRIAK ZARIE,
bihar, maiatzak 4, eguena, 19.30tan Plaza Beltza Kulturgunean.
Loiola Ander Deuna 40, Larrabasterra.

MAIATZA fresko datorkigu

Etiketak

, , , , , , , , , , , , , , , , , , , ,

Plaza Beltza Kulturgunean burutuko diren ekintzak:

– Maiatzak 4: Movimiento libertario en Euskal Herria. Hizlaria: Mikel Orrantia. 19:30.
– Maiatzak 6: Etxekalte kontzertua. 21:00.
– Maiatzak 9: Eraso matxisten kontrako protokoloak sortzen. Hizlaria: Pili Alvarez. 19:30.
– Maiatzak 11: RGI y derechos sociales. Berriotxoak. 19:30.
– Maiatzak 12: Rap gaua, Frente rapero de liberación absoluta. 21:00.
– Maiatzak 19: Herri bazterketa. Iñigo Lopez Simon. 19:00.
– Maiatzak 26: Jornadas solidarias con lxs presxs politicxs colombianxs. Jorge Freyter. 19:30.
– Maiatzak 27: Zazkel eta Gorpuzkingz. 21:00.

Liburutegia eta barra astean zehar arratsaldero irekita, astelehena eta domeka izan ezik.

MAIATZAAA2 grix bukatuta

Hirukan agertutako berria

Etiketak

, , , , , ,

Loiola Ander Deunako lokalean aurreikusi dute berbaldiak, tailerrak, antzezlanak, kontzertuak, liburu-aurkezpenak, poesia-errezitalak, eta bestelako esperientzia berriak egitea. Dena den, izango da aukera proposamenak egiteko. Bestalde, oraindino ez dute jendaurrean lokala inauguratzeko datarik eman baina apirilean irekiko dutela ziurtatu dute.

Elkartearen 11 urteko bizitza

Plaza Beltzako kideek oroitarazi dutenez, “2006ko udan, Sopelan Ganebarri gaztetxea hustu zuen poliziak eta bertan zebilen jendearentzat inflexio-puntu bortitza izan zen hura. Ez bakarrik husteak ekarri zuen herriko gune aske bakarraren galeragatik, edota han egitekoak ziren ekimen guztiak bertan behera utzi eta horren ondorioz planteamendua errotik aldatu beharragatik, baizik eta han ibili ginen hainbatek ibilbide politiko erradikala eta asanbleario, autogestionatu eta autonomoan gauzatzeko biderik eraginkorrenari buruz hausnartzen hasi ginelako. Kide hauek, eta bidetik batu ziren beste batzuk osatu genuen Plaza Beltza. Horretarako, kolektibo berria osatzea erabaki genuen. Gazte-asanblada, gaztetxe eta okupazio-mugimenduaren balioa eta zilegitasuna zalantzatan ipini barik lokala alokatzearen bidea hartu genuen”.

Hala, 2006ko abenduaren 23an, bere burua aurkeztu zuen Plaza Beltza kultur elkarteak, bigarren eskuko liburu-azokatxo bat antolatuz. Orduan aldarrikatu zutenez, “kultura plazaratzeko jaio den taldea da, ideiak zabaltzeko”. Aurkezpen horretan bertan jakinarazi zuten “hori aurrera eramateko lokal bat irekitzea” zela elkartearen asmoa, herri liburutegi bat sortzeko, “irakurzaletasuna bultzatzea” baitzen Plaza Beltzaren kezketako bat. Bertan, izango ziren gai politiko eta sozialen gainean idatzitako liburuak, bideo-artxibategi bat, kolektiboen bideoak, zine soziala, historikoa eta abarrak. Horretaz aparte, hasierako proiektu hartan leku nabarmena izango zuten aldizkari, fanzine, musika, txosten, eta bestelako materialek.

2006an, agindu zuten lan egingo zutela “erabateko pentsamolde zabaltzen duten hedabideen lana indargabetzeko eta gizarte mugimenduen borroka desberdinak bultzatzeko”. Izan ere, “elkartea osatzen dugunok gizarte eredu parte-hartzaile baten alde egiten dugu apustu, horregatik dago herriari guztiz irekia”.

Akilino Arriolako herri-liburutegia

Hala, 2009ko azaroaren 6an, Plaza Beltza kultur elkarteak Plaza Beltza herri-liburutegi politiko eta soziala zabaldu zuen Larrabasterrako Akilino Arriola kaleko 59. zenbakiko lonjan. “Bertan, gure inguruan eta, zelan ez, gure baitan ere, ikusten genituen gabeziei aurre egiteko eta alternatibak planteatzeko gune aske eta iraunkorra sortu” zuten.

Lau urte oparoren ostean, 2013ko maiatzaren 31n itxi zuten lokala, hala behartuta. Ordutik hona, zenbait aukera posible aztertu dituzte baina orain dela gutxira arte ez dute lokal bideragarri eta egokia topatu proiektu berrirako. Izan ere, antzinako planteamenduari “uko egin barik, gaur egun bultzada berri bat eman nahiko genioke proiektu berri bati”. Plaza Beltzak zabaldutakoaren arabera, “oraingo honetan, adierazpen berriei aukera ematea gustatuko litzaiguke”.

http://hiruka.eus/sopela/1491482218920

 

Plaza Beltza Kulturgunea

Pasaden barikuan proiektu barriaren nondik-norakoak aurkeztu genituen jendearen aurrean. Gaur, gerturatu ez zinetenoi laburbilduko dizuegu aipatutakoa.

Kulturgune barri bat zabalduko dogu Larrabasterran, kontrakultura sustatzeko. Galtzaileak, outsiderrak, errebeldeak…ongi etorriak zarie!

Hitzaldiak, tailerrak, antzerkiak, kontzertuak, liburu aurkezpenak, antzerkiak, poesia errezitalak, esperientzia barriak…zeozer gehiago okurritzen datzu maitia?

Hilabete honetan irekiera! Bitartean zapatu honetan goizeko 9.00etatik aurrera AUZOLANAK!

Adi egon seinaleari!

Plaza Beltza, 2017ko apirilaren 3an, Larabasterra (EH).

ideas

Bilera irekia

2006ko udan, Sopelan Ganebarri gaztetxea hustu zuen poliziak eta bertan zebilen jendearentzako inflexio puntu bortitza izan zen hura.

Ez bakarrik husteak ekarri zuen herriko gune aske bakarraren galeragatik, edota han egitekoak ziren ekimen guztiak bertan behera utzi eta horren ondorioz planteamendua errotik aldatu beharragatik, baizik eta han ibili ginen hainbatek ibilbide politiko erradikala era asanbleario, autogestionatu eta autonomoan gauzatzeko biderik eraginkorrenari buruz hausnartzen hasi ginelako. Kide hauek, eta bidetik batu ziren beste batzuk osatu genuen Plaza Beltza.

Horretarako, kolektibo berria osatzea erabaki genuen. Gazte asanblada, gaztetxe eta okupazio mugimenduaren balioa eta zilegitasuna zalantzatan ipini barik lokala alokatzearen bidea hartu genuen.

Bertan, gure inguruan eta, zelan ez, gure baitan ere, ikusten genituen gabeziei aurre egiteko eta alternatibak planteatzeko gune aske eta iraunkorra sortu nahi genuen. Horretarako, herri liburutegi politiko eta sozialaren inguruan eraiki genuen proiektua. 2013. urterarte mantendu izan genuena.

Hortik abiatuta edo plantamendu horri uko egin gabe, gaur egun bultzada berri bat eman nahiko genioke proiektu berri bati. Oraingo honetan, adierazpen berriei aukera ematea gustatuko litzaiguke.

Proiektuarearen aurkezpenean zure presentzia ezinbestekoa delakoan, martxoaren 31, arratsaldeko 19.30etan Loiala Ander Deuna 40.eko lokalean (Larrabasterra) elkar ikusiko gara.

Liburu aurkezpena

Egin-en ikerketa taldean, Ardi Beltza eta Kale Gorria aldizkarietan eta kazetaritza ikerketako beste hainbat proiektutan aritutakoa da Ahoztar Zelaieta (Bilbo, 1972). Kriminologia ikasitakoa da, eta Euskal Herriko lehen kriminologo elkarteko sorreran parte hartu zuen. Aste honetan Sopelan izango dogu bere azken liburua aurkezten.

Aurkezpena Kurtzio kultur etxean izango da arratsaldeko 20.00etan.

panama

DENOK GARA ALTSASUKOAK!

Altsasuko azken gertakari larriak ikusita, erantzuteko beharra ikusi dugu. Indar okupatzaileek ez dute, eta ez dute sekula izan, herri zapalkuntza ez den beste asmorik.

Horregatik, bihar azaroak 18 19.30etan, Sopelako udaletxe aurrean kontzentrazio batera deitzen dugu  Altsasuko espetxeratuei elkartasuna adierazteko eta txapelokerrak Euskal Herritik atera daitezen aldarria kaleratzeko.

Ez ditugu nahi, ez ditugu behar!

ladhmndk